- Antigo restaurante O Xabarín (rúa Vázquez de Parga)
—Cando entramos no Cabalo Branco eu ía flotando no aire. Xa beberamos moito e, por se fose pouco, Torres levaba a bolsa ben completa de farlopa. Bidueiros subiu con dúas para arriba. Non te acordas? Pagámoslle entre todos a escote. Os demais dedicámonos a beber e darlles leria ás rapazas. Acórdaste agora de Iacaré?
- Praia de Razo
Antonte baixei ata Razo. A verdade é que me afectou máis a marcha de Mara do que contaba. O vento petaba con forza e os tornaventos de cores facían máis fermoso aínda o areal. Quíxenme bañar, pero un dos socorristas chamoume á atención cando a auga apenas me pasara os xeonllos.
Pasei a tarde lendo, acubillado detrás das dunas. Merquei en Carballo De Pondal ao Batallón Literario (120 anos de poesía na Costa da Morte). Lin e relín un dos poemas de Miguel Anxo Mato Fondo e envexei non telo escrito. Non ser quen de madurar coma el «O whiskey na barrica». Léase o vello dito: non somos nada.
- Café Valle-Inclán (rúa Valle-Inclán)
Localización do panel: Café Valle-Inclán (rúa Valle-Inclán).
Licenciado en Filoloxía Galega pola Universidade de Santiago de Compostela. Traballou na edición de Carballo do xornal La Voz de Galicia, onde mantivo ao longo de máis de dous anos unha columna de opinión diaria titulada Radiografías. Logo pasaría a encargarse de cubrir as noticias da bisbarra de Ordes para a edición de Santiago de Compostela. Dende finais de 2004 ata outubro de 2006 formou parte da redacción do xornal Faro de Vigo en Deza-Tabeirós-Terra de Montes. Foi o último director de Vieiros, desde finais de outubro de 2006 ata o 24 de xullo de 2010.
Narrativa
A fraguella. Relato incluído no número 224 da revista Grial, 2019.
Un peixe no parqué. Xerais, 2019.
Os televisores estrábicos. Xerais, 2014.
En obras colectivas
Pico Sacro. Ferido polo lóstrego e a lenda. Alvarellos, 2017.
Verbo na arria. Homenaxe literaria a Xohán Xesús González. Fervenza, 2016.
Contos de taberna. Edicións Embora, 2014.
